بېكەت تۈزۈلۈپ  بولغاندىن كىيىن ، ئۇنىڭ ئىجرا بولۇش ئەھۋالىنى سىناپ بېقىشقا توغرا كېلىدۇ .بولۇپمۇ Web بەتلەرنىڭ مۇلازىمىتىر بۆلىكىدە ئىجرا بولۇش ئەھۋالىنى كۆپرەك سىناپ نەتىنجىسىنى تەكشۈرۈپ كۆرۈش لازىم . سىناق مۇۋاپىقىيەتلىك بولغاندىن كىيىن ، تور نامى ۋە بوشلۇق ئىلتىماس قىلىپ ، سىناقتىن ئۆتكەن تور   بەت  ھۆججەتلىرى ئىنتىرنىت تورىغا يوللىساق بولىدۇ . ئەمما دىققەت قىلىش كېرەككى: بېكەتنى Internet تورىغا يوللىۋىتىش بىلەنلا ئىشلار تۈگىمەيدۇ  . ياخشى بولغان Web بېكەت دائىملىق يېڭىلىنىشقا ئېھتىياجلىق بولۇپلا قالماستىن يەنە تېخنىك خادىملارنىڭ باشقۇرۇشى ۋە ئاسىرىشىغا ئېھتىياجلىق بولىدۇ . مۇشۇنداق قىلغاندىلا بېكەتنىڭ ئەڭ ياخشى ھالەتتە يۈرۈشىگە كاپالەتلىك قىلغىلى بولىدۇ .
بۇنىڭدىن باشقا يېڭىدىن قۇرۇلغان بېكەتكە قارىتا تەشۋىقات خىزمىتى ياخشى ئېلىپ بېرىلمىغاندا ئۇنىڭ زىيارەت نىسبىتىنى يۇقىرى كۆتىرىش ناھايىتى تەسكە توختايدۇ . شۇڭلاشقا ئىمكانىيەتنىڭ بارىچە بېكەت تەشۋىقاتىنى ياخشى ئىشلەش ، ياكى ھەر قايسى ئىزلەش بېكەتلىرىگە تىزىملىتىپ قويۇش لازىم(توردا مۇشۇ تۈردىكى مۇلازىمەتنى ھەقسىز بېجىرىدىغان بېكەتلەر خېلى نۇرغۇن )  . بۇنىڭدىن باشقا زىيارەت نىسبىتى يۇقىرى بولغان تور بېكەتلەر بىلەن دوستانە ئۇلىنىش قىلىپ قويۇشمۇ تور بېكەتنى تەشۋىق قىلىشنىڭ بىر خىل ياخشى ئۇسۇلى بولۇپ ھىساپلىنىدۇ .